Er kominn með nýja síðu http://gullibriem.123.is

Er hættur með þessa síðu en þið getið farið inn á http://gullibriem.123.is/

Helmingur ökumanna skiluðu sér í mark

Fyrsta umferð Íslandsmeistaramótsins í rallakstri fór fram um síðastliðna helgi í frábæru veðri.  Eknar voru sérleiðir um Hengil, Lyngdalsheiði, Tröllháls og Uxahryggi.  19 áhafnir hófu keppni en einungis 10 skiluðu sér í mark.  Nokkrar myndir eru komnar inn í albúm hér til hliðar

Mikið um tilþrif í Kollafirði

Íslandsmeistaramótinu í torfæru lauk í Kollafirðinum um síðastliðna helgi.  Mikið var um tilþrif í keppninni og þótti þetta takast vel nema hvað tafir voru yfir meðallagi.  Ólafur Bragi Jónsson sigraði í keppninni og trggði sér þar með Íslandsmeistaratitilinn í flokki sérútbúna bíla.

Metþátttaka í Rallý Reykjavík

Myndir eru komnar inn frá Rallý Reykjavík sem fram fór síðastliðna helgi.  Alls lögðu af stað 33 áhafnir að þessu sinni en einungis 20 luku keppni eftir gríðarlega erfiðar sérleiðir.  Mikið rigndi á meðan keppni stóð og voru vegirnir mjög hálir og einnig voru leiðir eins og Kaldidalur og Skógshraun með grófara móti þetta árið.  Seinni ferð um Skógshraun var felld út sökum þess að hún var dæmd ófær eftir fyrri ferð.  Margir bílar komu útaf Skógshrauni með fleiri en eitt dekk sprungið.  Keppnin var spennandi fram á síðustu sérleiðir þar sem síðasta sérleið um Djúpavatn var eins og árfarvegur á köflum og mikið kappsmál hjá áhöfnum að halda ökutækjum sínum gangandi.  Sigurvegarar voru þeir Jón Bjarni Hrólfsson og Borgar Ólafsson sem aka á Mitsibishi Lancer EVO 7.

Flugdagurinn í Reykjavík

Setti inn nokkrar myndir frá Flugedeginum sem haldin var 24. maí á Reykjarvíkurflugvelli.  Þetta var mjög góð sýning því henni var þjappað á stuttan tíma og alltaf var eitthvað um að vera í háloftunum.  Eina sem vantaði voru frönsku herþoturnar sem reynt var að fá.

Torfæran á Hellu

Ég er búinn að setja inn myndir frá Hellu torfærunni á sunnudaginn.  Ég komst því miður ekki laugardeginum en var þess í stað á flugdeginum mun ég ef til vill setja nokkrar myndir frá því síðar.

Myndir úr vorrallinu komnar inn

Nú er fyrsta rallmót ársins lokið sem haldið var um síðastliðna helgi og eru komnar myndir inn í albúm úr þeirri keppni.  Keppnin var nokkuð góð þótt mikið hafi vantað upp á skipulag við innanbæjarleið í Hafnarfirði og nota keppnishaldarar það án efa til að læra af því.  Gaman er að sjá hvað margir flottir og öflugir bílar hafa bæst í flotann og vil ég sérstaklega taka fram tvær bifreiðar sem skara fram úr hvað útlit varðar og fyrir mig á hliðarlínunni þá skiptir það máli.  Þessir bílar eru MMC Lancer sem Pétur og Heimir aka annarsvegar og hins vegar Ford Focus sem þeir Gunnar og Hafsteinn aka og fylgir hér mynd af þeim síðarnefnda, mjög fallegur bíll og virkilega vandað til verks og hlutirnir útfærðir á réttan hátt. 

Úrslit og greinar um keppnina má finna meðal annars á www.rallysport.blog.is/blog/rallysport og www.motorsportklippur.net

Fannst vanta myndir af service

Mér fannst vanta myndir af service þar sem oft á tíðum er mikið að gerast þar og skemmtilegar myndir sem vilja gleymast innan um allar akstursmyndirnar.  Ég setti inn nokkrar myndir úr service í Rallý Reykjavík í fyrra.

Leg 3 frá Rallý Reykjavík komin inn

Tókst að setja nokkrar inn í kvöld.  Nennti ekki út að smíða pallinn í þessu veðri!

Þá eru myndir komnar frá leg 1 og 2 í Rallý Reykjavík

Nú hef ég sett inn myndir frá leg 1 og 2 í Rallý Reykjavík og vonast ég til að getað sett leg 3 og 4 inn annað kvöld.  Einnig setti ég inn Skagafjarðarrallið.